Errepublikanismoa Gipuzkoan ospatutako hauteskundeetan (1890-1923)

Laburpena

Artikulu honetan, Gipuzkoan errepublikanoek hauteskundeetan lortu zituzten emaitzak aztertu dira. Horretarako, 1890 eta 1923 bitarteko hauteskunde orokorrak, probintzialak eta udal hauteskundeak hartu dira kontuan, Espainian gizonezkoen sufragio unibertsala ezarri zenetik Primo de Riverak estatu kolpea eman zuen arte. Emaitza hauek errepublikanismoak, teorian beretzat egokia ez zen testuinguruan, lortu zuen ezarpen politikoa ulertzeko baliagarriak dira. Hitz gakoak: Errepublikanismoa, hauteskundeak, sufragio unibertsala, Gipuzkoa, Berrezarkuntza monarkikoa (1876-1923)